Onki úrslit
Team Rynkeby Føroyar
Síðani 2013 hevur Team Rynkeby Føroyar súkklað fyri at savna inn pening til børn við lívshættisligum sjúkum. Sjálvbodnað arbeiðið hjá felagsskapinum stuðlar børnum við hjarta-, lunga- og krabbasjúkum og teirra familjum. Betri Stuðul hevur øll árini verið ein av høvuðsstuðlunum hjá Team Rynkeby Føroyar.
Røða hildin í 2023
Góðu Rynkur.
Hjartaliga vælkomin til Betri her í Saltangará, nú tit taka Tour de Føroyar, áðrenn tit taka túrin til París. Eg veit, at tit skulu ígjøgnum nógv pit-stop í dag – nógvar drekkamunnar og nógvar røður.Men tit skulu vita, at vit eru ótrúliga glað fyri, at tit taka tykkum tíð til at steðga á her hjá okkum. Tit kunnu fáa eina áfylling – og afturfyri geva tit okkum eina áminning.
Hjartaliga vælkomin til Betri her í Saltangará, nú tit taka Tour de Føroyar, áðrenn tit taka túrin til París. Eg veit, at tit skulu ígjøgnum nógv pit-stop í dag – nógvar drekkamunnar og nógvar røður.Men tit skulu vita, at vit eru ótrúliga glað fyri, at tit taka tykkum tíð til at steðga á her hjá okkum. Tit kunnu fáa eina áfylling – og afturfyri geva tit okkum eina áminning.
Ein áminning um tað, sum er allarvigtigast: nevniliga lívið, deyðan – og felagsskapin.
Hjá Betri plaga vit at siga, at »Betri er eitt felag, vit eiga í felag.«
Tað er sjálvandi ikki av tilvild, at tað, vit gera, byggir á felagsskapin. Tá ið vit standa saman, standa vit jú sterkari.
Tá ið vit eru sterk og væl fyri, er tað gott at kunna súkkla fremst. At vita, at tann orkan, sum vit trampa niður í pedalurnar, ikki bara fær okkum sjálv fram á leið, men at hon eisini dregur onnur, sum ikki orka líka væl, fram við.
Hinvegin er tað onkuntíð doyligt bara at kunna liggja uppá hjul, tá ið orkan ikki er til at súkkla fremst. Tá ið vit stríðast – bara fyri at fylgja við.
Styrkin í felagsskapinum er jú, at vit dúva uppá orku, førleikar og vitan hjá hvørjum øðrum. Tað sosiala hjá onkrum, tað heilsufakliga hjá onkrum og tað súkklutekniska hjá øðrum. Onkur dugir við pengum, annar við miðlum – og so er tað tann, sum fær hini at flenna.
Í felagskapinum eiga øll sítt pláss. Øll hava týdning.
Hjá Betri plaga vit at siga, at »Betri er eitt felag, vit eiga í felag.«
Tað er sjálvandi ikki av tilvild, at tað, vit gera, byggir á felagsskapin. Tá ið vit standa saman, standa vit jú sterkari.
Tá ið vit eru sterk og væl fyri, er tað gott at kunna súkkla fremst. At vita, at tann orkan, sum vit trampa niður í pedalurnar, ikki bara fær okkum sjálv fram á leið, men at hon eisini dregur onnur, sum ikki orka líka væl, fram við.
Hinvegin er tað onkuntíð doyligt bara at kunna liggja uppá hjul, tá ið orkan ikki er til at súkkla fremst. Tá ið vit stríðast – bara fyri at fylgja við.
Styrkin í felagsskapinum er jú, at vit dúva uppá orku, førleikar og vitan hjá hvørjum øðrum. Tað sosiala hjá onkrum, tað heilsufakliga hjá onkrum og tað súkklutekniska hjá øðrum. Onkur dugir við pengum, annar við miðlum – og so er tað tann, sum fær hini at flenna.
Í felagskapinum eiga øll sítt pláss. Øll hava týdning.
Og her má eg nevna, at eisini tey, sum fella frá á vegnum, hava týdning. Tey eiga enn sítt pláss.
Eg veit, at tit nú koma frá kirkjugarðinum á Toftum, har ein gul stjørna hvílir. Í fjør, tá ið vit fyrireikaðu móttøkuna fyri Team Rynkeby, var Súnfríð primusmotor. Ein ímynd av tí sterka felagsskapi, sum tit umboða.
Og eg veit, at tit í dag fara súkkla fram við Signabø. Eisini har er nú eitt tómt pláss eftir Ragnar Petur – enn eina gula stjørnu, sum púra óvæntað fór um sýn.
Men tað góða við felagskapinum er, at hann bæði fevnir um lívið og um deyðan. Og eg kann ímynda mær, at tað eru nógvar góðar at fortelja – bæði um Súnfríð og um Ragnar Petur – sjálvt um tey ikki longur súkkla við. Eg giti, at tey framvegis fáa tykkum at smílast.
Eisini hetta er nakað, vit eiga í felag: at kenna onkran, sum verður raktur av álvarsligari sjúku. Og onkran, sum ikki longur er her, men sum framvegis eigur sítt pláss í felagsskapinum: Um døgurðaborðið. Á arbeiðsplássinum. Ella á liðnum.
Vit eiga so nógv í felag. Tí er tað so gott, at vit eisini kunnu bera í felag.
Og felagsskapurin við Rynkunum røkkur nógv longur enn bara til tykkum, sum súkkla.
Hann røkkur til familjurnar við sjúkum børnum, sum hava brúk fyri at liggja uppá hjul í eina tíð.
Og hann røkkur til okkum onnur, sum gjøgnum tykkum kunnu hjálpa teimum familjunum, ið verða so hart raktar.
Eg veit, at tit nú koma frá kirkjugarðinum á Toftum, har ein gul stjørna hvílir. Í fjør, tá ið vit fyrireikaðu móttøkuna fyri Team Rynkeby, var Súnfríð primusmotor. Ein ímynd av tí sterka felagsskapi, sum tit umboða.
Og eg veit, at tit í dag fara súkkla fram við Signabø. Eisini har er nú eitt tómt pláss eftir Ragnar Petur – enn eina gula stjørnu, sum púra óvæntað fór um sýn.
Men tað góða við felagskapinum er, at hann bæði fevnir um lívið og um deyðan. Og eg kann ímynda mær, at tað eru nógvar góðar at fortelja – bæði um Súnfríð og um Ragnar Petur – sjálvt um tey ikki longur súkkla við. Eg giti, at tey framvegis fáa tykkum at smílast.
Eisini hetta er nakað, vit eiga í felag: at kenna onkran, sum verður raktur av álvarsligari sjúku. Og onkran, sum ikki longur er her, men sum framvegis eigur sítt pláss í felagsskapinum: Um døgurðaborðið. Á arbeiðsplássinum. Ella á liðnum.
Vit eiga so nógv í felag. Tí er tað so gott, at vit eisini kunnu bera í felag.
Og felagsskapurin við Rynkunum røkkur nógv longur enn bara til tykkum, sum súkkla.
Hann røkkur til familjurnar við sjúkum børnum, sum hava brúk fyri at liggja uppá hjul í eina tíð.
Og hann røkkur til okkum onnur, sum gjøgnum tykkum kunnu hjálpa teimum familjunum, ið verða so hart raktar.
Vit, sum ikki kunnu ímynda okkum at sita í tímavís á einum lítlum súkklusetri, sum næstan hvørvur undir afturpartinum – og vit, sum ikki ordiliga duga at ímynda okkum sjálv í gulum spandex frá topp til tá – vit kunnu eisini vera við.
Vit eru við, tí vit sleppa at stuðla. Tað eru vit glað fyri. Og tað leiðir meg til tann vigtigasta partin her í dag: nevniliga at handa tykkum ískoytið frá Betri á 125.000 kr.
Í ár hátíðarhalda tit, at tað eru 10 ár, síðani tit byrjaðu. Og hjá Betri kunnu vit í ár hátíðarhalda, at vit hesi 10 árini hava latið tilsamans eina millión krónur. Tað eru vit errin av. Tí vit vita, at hesin stuðulin veruliga ger mun.
Vit eru við, tí vit sleppa at stuðla. Tað eru vit glað fyri. Og tað leiðir meg til tann vigtigasta partin her í dag: nevniliga at handa tykkum ískoytið frá Betri á 125.000 kr.
Í ár hátíðarhalda tit, at tað eru 10 ár, síðani tit byrjaðu. Og hjá Betri kunnu vit í ár hátíðarhalda, at vit hesi 10 árini hava latið tilsamans eina millión krónur. Tað eru vit errin av. Tí vit vita, at hesin stuðulin veruliga ger mun.
Eg fari at biðja ein av kaptajnunum um at koma upp til mín at taka ímóti kekkinum, og eg fari at ynskja tykkum øllum ein framúrskarandi túr til París.
Má eydnan fylgja tykkum.
Má eydnan fylgja tykkum.
Røðað hildin 6. juli 2023, til móttøku í Betri, Saltangará. Starvsfólk í Betri banka, Kristine Ellingsgaard, flutti fram røðuna.
Røða hildin í 2022
Góðu Rynkur,
Hjartaliga vælkomin til Betri her í Saltangará, øll somul! Og takk fyri at tit steðga á hjá okkum, nú tit eru á veg avstað. Eg veit, at tit hava ein drúgvan dag fyri framman, og nógv vilja eiga eitt petti av tykkum, men vit eru ordiliga glað og errin av at fáa tykkum uppá besøk. Okkara felags søga gongur nevniliga nógv ár aftur í tíðina.
Tí fyri 9 árum síðani kom ein smæðin, gulur hópur og rætti okkum í Betri hondina. Og eg kann siga sum er, at vit beinanvegin blotnaðu í knøunum og fingu bæði hjartabankan og gott eyga til tykkum. Tit vóru lívlig og skemtandi, men eisini álvarsom og eyðmjúk. Vit blivu bergtikin av góða hjartalagnum og vøkru virðunum, sum vóru so eyðsýnd.
Og sjálvt um tit ikki vóru so elegant tá – sjálvt um tit stríddust við at koma upp í ferð, liggja á hjul og fáa pútuna í shortsinum at liggja ordilgia uppá pláss – so fullu vit fyri tykkum alt fyri eitt.
Nú – 9 ár seinni – halda vit framvegis saman. Betri og Rynkeby hava gingið saman í 9 ár, og sum árini eru gingin, eru vit bara blivin betri við tykkum. Vit elska enn tykkara lívliga og skemtandi manér, og tann mátan, sum tit nú so spelkin bera gulu klæðini. Og sjálvt um tit kanska hava mist tað smædni, sum eyðkendi tykkum í byrjanini – og sjálvt um tit nú eru blivin meiri sjálvsikkur og elegant – so vita vit, at tit kortini hava varðveitt eyðmjúkleikan og góða hjartalagið.
Tit hava verið trúgv ímóti okkum – og vit hava verið trúgv ímóti tykkum. Øll hesi 9 árini.
Vit eru kanska at sýna til rættiliga ymisk og óparalig. Tað eru til dømis kanska ikki so nógv, sum vilja lýsa okkum sum verandi festlig og lívlig – sum tit eru. Men tað er kanska bara eitt prógv um teir kendu mótsetningarnar, sum møtast. Og sjálvt um vit kanska eru ymisk av lyndi, so eru grundleggjandi virðini kortini tey somu. Og tað er tað vigtigasta.
Tí.. vit vilja hava ein partnara, sum er við uppá at skapa tryggleika. At fyribyrgja sjúku. Og at gagna samfelagnum. Hetta eru okkara ófrávíkiligu kriteriu til dreymapartnaran.
Og tit uppfylla øll trý kriteriini. Tí haldi eg, at tað riggar so væl okkara millum. Tí blíva vit við at halda í tí hondini, sum tit rættu okkum fyri 9 árum síðani.
Tit hava enn tað gávumilda og gevandi lyndið, og í tí stuðla vit tykkum framvegis 100%.
Tí skulu tit fáa eina heilsan við á vegnum, nú tit fara avstað. Og áðrenn eg handi kapteininum eina peningagávu, vil eg bara takka tykkum hjartaliga fyri tykkara innsats og trúðfesti – og ynskja tykkum ein frálíkan túr til París. 🚴🚴♂️
Má alt gangast tykkum væl. Túsund takk fyri alt tað, tit gera! Tykkara innsatsur liggur so ikki eftir, men er ein áhaldandi inspiratión fyri øll okkum onnur. Takk fyri!
Røðað hildin 7. juli 2022, til móttøku í Betri, Saltangará. Starvsfólk í Betri banka, Alice Fredriksberg, flutti fram røðuna.
Røða hildin í 2021
Góðu Rynkeby súkklarar,
Vælkomin til Betri her í Saltangará til ein stuttan steðg á tykkara ferð avstað.
Betri hevur heilt frá byrjan stuðlað tykkum í at stuðla. Fyrst sum gullstuðul – og seinastu árini sum platinstuðul.
Men hvat liggur í grundini í orðinum ”at stuðla”?
Sprotin sigur, at ”ein stuðul” er okkurt, sum man styðjar seg til. Tað er ein, sum er øðrum til hjálpar. Tað kann eisini vera ein stútta undir onkrum, sum verður hildið uppi, so tað ikki smokkar saman.
”At stuðla”, sigur Sprotin, er at veita hjálp og styrk.
Tann stuðulin, tit veita familjum, sum verða raktar av álvarsamari sjúku, kann ikki lýsast við orðum.
Tit geva teimum okkurt at styðja seg til, og tit eru við til at stútta undir hesar familjurnar og bera teimum uppi. Tit hjálpa og styrkja.
Og tað krevst nógvur stuðul, tá eitt barn verður álvarsliga sjúkt.
Tað krevst stuðul við umsorgan. Bæði fyri tí sjúka barninum, men eisini fyri systkjum og foreldrum.
Tað krevst lekjandi stuðul. Bæði til sjálva sjúkuna, men eisini til avleiðingarnar, sum raka øll hini í familjuni.
Og tað krevst eisini fíggjarligur stuðul. Tí tá foreldrini verða send niður við einum sjúkum barni, so hendir tað ofta frá degi til dags – og fíggjarliga rásarúmið svinnur.
Tað krevjast eisini pengar til gransking og nýggjar viðgerðir – og til samrøðubólkar og kreppuhjálp.
Tit stuðla. Og í Betri Stuðulsgrunninum hava vit verið fegin um at standa saman við tykkum í arbeiðinum – og at hava verið tykkum til hjálpar fíggjarliga.
Tí afturat stuðlinum til hesi hart raktu børnini og familjurnar, leggja tit eisini onnur góð virði eftir tykkum.
Tit hava fingið fólk út at súkkla. Tað er blivið modernað at røra seg – eisini um venjingarbúnarnir viðhvørt síggja nakað strammir út 😉
Sum Niels Mortensen skemtandi segði ein dagin: Fleiri av okkum Rynkeby’arum minna kanska mest um humlubiir. Tað eigur í grundini ikki at bera til hjá okkum, men vit vita bara ikki av tí sjálvi.
Og so hava tit fingið fólk – eisini vaksin fólk – at brúka hjálm, tá tey súkkla. Og tað er í sær sjálvum eitt bragd. Tí áðrenn tit komu, vóru tað bara nøkur heilt fá, sum brúktu hjálm.
Í 8 ár hava vit sæð tykkum gulu súkklarar á vegnum. Í 8 ár hava tit við egnum kroppum stríðst fyri hesum góða endamálinum.
Og til stuttleika kann eg nevna, at Sprotin hevur eina lýsing afturat av orðinum ”stuðlar”. Tað kann eisini merkja: ”sterk og førlig bein”. At hava góðar stuðlar – merkir – at hava góð, sterk bein.
Tað hava tit. Tit eiga beinorkuna, sum nú skal føra tykkum til Danmarkar fyri at veita teimum harðast raktu tiltrongdan stuðul.
So fyri tykkara góða intiativ, tykkara hugskot, tykkara góða endamál og tykkara stríð, fáa tit hervið ein kekk uppá 125.000 krónur frá Betri Stuðulsgrunninum.
Kanska kann tað vera við til at stuðla undir viljanum og orkuni, tá tit um eina løtu aftur seta tykkum á tað lítla, harða súkklusetrið.
At enda vilja vit ynskja tykkum góða ferð – og ansi nú eftir tykkum.
Takk fyri – og geri so væl.
Røðað hildin 8. juli 2021, til móttøku í Betri, Saltangará. Forstjórin í Betri samtakinum, Evy Jacobsen, flutti fram røðuna.
