Onki úrslit
14. jun. 2021 | Tíðindi
Kanning vísir, at 85% av føroysku børnunum røra seg ov lítið. Tað vil verkætlanin Skúlaleikir broyta.
Mann veit, hvussu gott tað er fyri børn at vera virkin og røra seg – serliga í felagsskapi. Og tann góða ítróttaupplivingin er nettupp høvuðsendamálið við Skúlaleikum. Ætlanin við verkætlanini er at fáa fleiri ítróttagreinar inn í skúlarnar. 4. og 5. -floksnæmingar sleppa komandi skúlaár at royna seg í frælsum ítrótti, flogbólti, innirógving og badminton. Hetta eru ítróttagreinar, sum ikki fyrr hava verið í skúlunum. “Eitt er, at vit fáa meira fjølbroytni í ítróttaundirvísingina, men tað týdningarmesta er, at vit geva børnunum eina fantastiska uppliving og minni fyri lívið,” sigur Katrin á Neystabø, samskipari. Hon greiðir frá, at í Skúlaleikum er tað felagsskapurin, sum er miðdepilin; børnini fáa bara stig í bólkum og fáa eyka stig fyri at heppa á hvønn annan. “Stuðulin, vit hava fingið frá Betri, tryggjar grundarlagið undir øllum okkara virksemi,” sigur Katrin á Neystabø, sum gleðir seg at skapa rørslugleði hjá børnum í Føroyum við verkætlanini komandi árini.
Meira tilfar og filmar: www.skulaleikir.fo
4. adventsgávan frá Betri stuðul er til Sjúklingahotellið í Keypmannahavn, sum hevur móttikið kr. 30...
Nevndin í Heilafealgnum er sera takksom fyri adventsgávuna frá Betri. Heilafelagið er áhugafelag við...
Føroya Náttúru- og Umhvørvisfelag (FNU) Betri hevur í dag, fyrsta sunnudag í advent, boðað frá, at ...
